Sa Ihip ng Hangin…Noon

Nakangiti ang siwang sa dingding

Doon sumilip ang mapanudyong hangin

Inilililis ang aking isip

Hinahalaw ang masasayang sandali

Sa Nayong Pilipino…minsan

Sa lilim ng puno ay sandal sa isa`t-isa

I lab u ang bulong kay mahal

Ungol ang naging tugon ng labing natakluban

Gaya rin sa Luneta…minsan

Kung bakit sa pagkakasalampak sa damuhan

Napuputol ang kuwentuhan

Nagsabisagrang labi at mata ang dahilan

May kakaibang saya noon

Ang hangin ay naninilip sa mga pasyalan

Mga takaw-nakaw na pusong

Sa lilim nagkukubli ng punong malalabay

Luanda, Angola

10 March 2010

Miyerkules

05:07 H

• Naaalala Kita - 4th August 2010
• Teka Lang Naman - 21st July 2010
• Pribilehiyong Mga Sandali - 19th June 2010
• Salamin Sa Mata - 27th May 2010
• Lambak ng Kamatayan - 24th February 2010