Paningit
Masaya
May galak
May nginangata sa kanyang bibig
May kislap ang kanyang mga mata
Maluwag ang daloy ng hininga
Dibdib ay walang kakaba-kaba
Mata`y pumikit naglakbay-diwa
Bibig ay nangiti ng mabuka
Simple lang
Bakit nga
Hindi mahirap ipaliwanag
Walang usap na pag-uusapan
Hindi masyadong marikutitos
Wala ni gulong masalimuot
Walang kaartehan ni katiting
Dahil ano`t maluwag ang dibdib
Bakit magaan ang paa`t kamay
Kung bakit may sigla ang katawan
At nangiti ng maglakbay-diwa
Tsiklet ay masayang nginangata
Trabaho
Nang hapon…
Sarili`y sinipat sa salamin
Suklay na ang manipis na buhok
Beer sa pondahan ang nasa isip
Pasumandaling kalilimutan
Ang kanyang pangungulila`t pagod
Sa bulsa`y binunot ang pitaka
Paldo !
Bagong suweldo !
Saka uwing pumapaswit
Luanda City, Angola
Latest posts by Noel Reyes- Naaalala Kita - 4th August 2010
- Teka Lang Naman - 21st July 2010
- Pribilehiyong Mga Sandali - 19th June 2010
- Salamin Sa Mata - 27th May 2010
- Sa Ihip ng Hangin...Noon - 10th March 2010
Team Emanila on "Ritmo 2 is going to publish, finally": 
Rey Tamayo, Jr. on "Ritmo 2 is going to publish, finally": 
Ham de la Torre on "A “Cinquain Train” ": 
Franco Coralde Sangreo on "Haiku Helicopter – Midnight": 
A complete list of our writers and contributors is available
Noel,
Katulad ng balikukong mundo, mahirap nang mawala ang mga isang-araw na milyonaryo.
Ham
Ginoong Ham,
Kasama po ako sa isang araw na milyonaryo.
Nakatutuwa minsan ay sumisingit din ang saya.
Ang mayayaman, lamang lang sila sa bilang ng araw.
Sila, ako – saya`y pareho rin naming nararanasan.
Maraming salamat po sa pagbasa ng aking tula.
Noel
Luanda City, Angola
Noel,
Mas masarap namnamin ‘yung alam mong limitado ang taning. Huwag lang huling hapunan o habilin.
Hayaan mo lang malamangan, iisa lang naman ang sandaigdigang pamantayan. Kamatayan o buwis, lamang pa nga tayo kung ibabatay sa huling tuos (kung totoong nagbabayad ang mayayaman, hehe).
Ham
ganyan noong wala pang pamilya
tila ba tuloy lang ang ligaya
pinaghirapan ng ‘sang kinsenas
sa luho’t bisyo tyak malilimas
nguni’t ngayong may asawa’t anak
kinsenas mo’y tila ba di sapat
pambayad ilaw, tubig at utang
wala pang gatas, kanin at ulam
kaya’t hanggang maigsi ang kumot
hala e matutong mamaluktot
kamukat mukat mo’y may sigalot
mabuti na ‘tong may madudukot
Sir blue angel,
para mong ng kinopya
nakaraan kong buhay
buhay sige sige lang
noong ako`y binata
nang may asawa`t anak
sa gudtaym tumatakas
sabi sa kaibigan
quit muna`t walang bigas
maigsi na nga kumot
eh wala pang madukot
heto na sa malayo`t
pinipilit magsuksok
…hehehe hirap ng madalian
Sir blue angel ikaw kasi naku… buhay ofw
Tuwang-tuwa ako sir blue angel sa komento n`yo.
Maraming salamat po.
Noel
Luanda City, Angola
Noel, bagong kaibigan
di po kabaro ni Adan
nagkomento kamakaylan
pero ayos din lang naman
mahalaga’y nalapatan
kakatuwang kaisipan c”,)
blue angel,
buti na lang angel ka, paniguradong malambot ang puso.
aba`y kung ikaw ay manalita, maraming kalalakihang
papawisan ang dila. akalain bang hindi kabaro ni Adan.
kataka-taka`t pambihira ngayon lamang ako nakabasa
ng isang angel na tumutula.
Tanggapin mo ang isang basket na punung-puno ng humahalimuyak sa kabanguhang pag-ibig ng Diyos ng madama mo na Siya ay presente sa lahat ng pagkakataon.
Maraming salamat blue angel.
Luanda City, Angola
ayos lang kaibigan
baka napagkamalan
may Engel din po kasi
kung lumikha’y maigi
siguradong kabaro
ni Noel na katoto
sa basket ng bulaklak
ay, maraming salamat! c”,)