Pagbabanyuhay

iisang

tagpo

ang pagtutunan

ng ibayong pansin

mula sa

p a  g   k    a     k      a       d        a         p          a

at pagkasubsob ng mukha, pagkaputok ng nguso

pamamaga ng nalamog na pisngi

mga sugat sa tuhod at siko

iaangat ang noo at

tatanawin ang paligid

hangin ay dadamhin

mga dahong nalalagas

(hindi nauubos ang mga dahon

may mga bagong uusbong)

bulaklak na maririkit

mayang umaawit

araw na nagngangalit

masasayang ngiti

mga inosenteng pulubi

mula sa pagkakadapa

ititindig ang sarili

pagbabagong

anyo

ng

buhay

Latest posts by m.j rafal

• Ikaw Na Lumisan - 26th August 2010
• Kung Bakit Pula At Hindi Bughaw Ang Dugo - 5th August 2010
• Nang Magkuwento Ang Ama Sa Anak - 14th July 2010
• Sinigang - 4th June 2010
• Trahedya Ng Pulubi - 4th June 2010