Ang unang sinag na nagmula sa langit
ay humalik sa mantilla ng mga pangarap
Lambot ng mga pinong dagim ay unti-unting naglaho
sa pagbukas ng mga pahina sa mala-rosas na katha
Ang pagningning ng pangalan ay sumabay
sa katuparan ng mga hangaring dalisay
Kaya sa mukha’y nababanaag ang tamis ng mga ngiting
nagpasibol ng wagas na pagmamahal
Gaya ng isang madamdaming awitin
na nagsaboy ng laksang kutitap sa ariwanas.
Tiyak pag-ibig ang dahilan
kung kaya nag-uumapaw sa galak nitong kaluluwa
Pag-ibig din ang dahilan kung kaya’t nagawang iukit
sa hangin ang halimuyak ng mga pangarap
Na kahit na buhay sa mundo’y walang katiyakan
subalit nagagawa paring makulay , makabuluhan.
Latest posts by Catherine Agunat
- Will You Miss - March 28, 2013
- Sa Kapanglawan - March 28, 2013
- Now I am Alone - March 28, 2013
- Kailan - March 28, 2013
- Sa Silong ng Ulan - March 28, 2013
This post was written by
Catherine Agunat – who has written 30 post/s on emanilapoetry.
About: The eldest child of Mr & Mrs, Luvimin Pimentero Agunat. Born last October 26, 1981 at Suyo, Ilocos Sur and currently working abroad.
{ 0 comments… add one now }
You must log in to post a comment.