Nunal Sa Pas-ang Balikat

Black Nazarene (Marble) by Tata Raul

Lumalao’y lumalabo itong lawa ng Laguna,

Magsimulang panigilan ng dayuhang nangagbalsa

Upang dito mamirmiha’t ang pamilya ang kasamang

Magbabanghay ng pangarap at lililok ng pag-asa.

Lumalao’y na-uupaw ang anit ng aming bundok,

Tinatabas ang supanga’t ang kahoy ay ginaganot;

Ikinasang mga bitag ang hinuli’y mga hayop

Na mailap.Mga usa’t baboyramu’y nanga-ubos.

Wala na ngang makukuha ma sa lawa o sa gubat,

Nangalipol yaong isda’t wala na ring mga prutas;

Kaya ngayon ang balana’y mahihikbing umiiyak

Sinapit ng pulong Talim nunal sa Pas-ang Balikat.

May gamot bang ilulunas sa bundok ko at sa lawang

Waring kanser ang dumapo? Kabangkilas, wala na nga!

• Ambus - 27th August 2010
• Dalit Ng Galit - 27th August 2010
• Ang Kagaw Ni Sabel - 27th August 2010
• Ibinabangon Ako Ng Alon - 13th August 2010
• Alapaap - 5th August 2010

Tags: Black Nazarene, supang, upaw