Anong pangarap ang naglalaro
Sa kaibuturan ng mga dikit mong tululot
Habang ika’y nakagapos sa kanlungan ng luntiang puso
Pinahimbing ka ba ng mahiwagang dilim
Na yumapos sa anino ng mga gabing marikit
Mga bituin ba’y may pagkakataon
Na maglaglag sa malambot mong dibdib
Upang tukuyin ang lihim ng ‘yong paghimlay sa pusod ng panaginip
Kagandahan mong tunay ay malalasap lamang ba
Sa mausisang kilatis ng paningin
Pagkat maningning mong lunggati
Sa mundong payapa ay nananatili pang nakatali
Anong kapalaran ang nakaabang sa’yo
Sa parating na bukang liwayway
May pag-ibig bang babati sa sandaling ika’y sisilay
Sino ang nakatakdang sisipsip sa tamis mong taglay
Latest posts by Catherine Agunat
- Will You Miss - March 28, 2013
- Sa Kapanglawan - March 28, 2013
- Now I am Alone - March 28, 2013
- Kailan - March 28, 2013
- Sa Silong ng Ulan - March 28, 2013
This post was written by
Catherine Agunat – who has written 30 post/s on emanilapoetry.
About: The eldest child of Mr & Mrs, Luvimin Pimentero Agunat. Born last October 26, 1981 at Suyo, Ilocos Sur and currently working abroad.
{ 0 comments… add one now }
You must log in to post a comment.