Ano ang tao sa Manlililok,
hindi ba walang hugis na putik?
Ano ang dangal kahit maabot,
kundi naglalahong panaginip?
Saang sulok nitong walang hanggan
magsusulit ang kadakilaan,
kung kaluluwa ay huhusgahan
sa hukumang kataas-taasan?
Ang nais kaya’y magawang bilhin;
anupa’t pati mundo maangkin
ng ginto at batong mamahalin,
kung haharap na sa takipsilim?
Sasapat ba ang galing ng dunong,
kung ligaw pag aso’y umalulong?
Nasaan ang pag-asang inasam;
kung doon sa lambak ng kawalan,
tatawid ng walang Kaibigan?
Latest posts by Franco Coralde Sangreo- Telenobela - May 17, 2013
- Asensadong Bilanggô - May 16, 2013
- Diga ng mga Kulay - May 16, 2013
- Tika-teka - May 16, 2013
- Anghit - May 16, 2013
This post was written by
Franco Coralde Sangreo – who has written 446 post/s on emanilapoetry.
About: May natatanging asawa at tatlong anak; Full Blooded Albayano at sa Baybay, Tiwi, Albay nagbinatilyo. Ngayon ay nagtatrabaho sa isang imprenta bilang Graphic Artist(ahin) at Prepress Supervisor. Sa dyip ako mas madalas na sumulat at libangan kong bihisan ng tula ang mga larawang kuha.
{ 0 comments… add one now }
You must log in to post a comment.