I
Kapayapaan sa buong mundo
Ang hinihiling namin sa inyo
Iba-iba man ang kulay natin
Kapayapaang hiling ay dinggin
Payapang mundo’y ating regalo
Ito’y para sa lahat ng tao:
Tigilan na ang mga digmaan
Pati na ang mga pamamaslang
Tigilan na ang mga salpukan
At problema’y ating pag-usapan
Ayusin natin ang mga gulo
Lutasin natin ang puno’t dulo
Ngunit dapat mahinahon tayo
Upang kapayapaa’y matamo
II
Maraming gutom dahil maraming ganid
Di nagbibigayan ang magkakapatid
Ang maraming problema’t mga hilahil
Ay nais lutasin sa dulo ng baril
Ang iba’y nag-aari ng laksa-laksa
Ngunit barat sa sahod ng manggagawa
Ang iba nama’y maraming lupang angkin
Ekta-ektarya kasama pati bangin
Dahil sa angking pribadong pag-aari
Marami ang nawalan sa tao’t lahi
Gayong maliit lang itong kailangan
Upang mapakain ang buong lipunan
III.
Lumaganap na itong kahirapan
At kagutuman sa maraming bayan
Nagpapatayan kahit sila-sila
Upang maibsan lang yaong problema
Habang ang ilan ay nagpapakabundat
Kahit maraming tao’y nagsasalat
Nagpapayabangan naman ang iba
Ng armas-nukleyar, mga panggera
Pera’y kung saan-saan ginagastos
Imbes sa pagkain, gamot, pantustos
Ang ginhawa ba’y para lang sa ilan
Di ba’t ito’y dapat pangkalahatan
Matatamo lang ang kapayapaan
Kung mayroong hustisyang panlipunan
IV
Kayganda ng daigdig na payapa
Walang kaguluhan sa bawat bansa
Walang gutom ang tao, kahit bata,
Pagkat pag-ibig nasa puso’t diwa
Kaya simulan nating iadhika
Ang pagsusulong ng mundong payapa
Upang maraming problema’y maibsan
At magkaroon ng kapayapaan
Ipalaganap natin ang pag-ibig
Sa bawat puso’y ito ang idilig
At sa hustisya tayo ay sumandig
Upang maging payapa ang daigdig
- Musika sa Pandinig - December 31, 2009
- Pagsisikhay - December 31, 2009
- Mga natutulog sa bangketa - December 31, 2009
- Di masisira ang taong tapat - December 31, 2009
- Bawat tagaktak ng pawis - December 31, 2009
This post was written by
Gregorio V. Bituin Jr. – who has written 77 post/s on emanilapoetry.
About: Si Gregorio V. Bituin Jr. (a.k.a. matangapoy) ay isang makata, manunulat, mananaliksik, aktibista, tagasalin, at small-time pabliser ng mga aklat. Siya'y taga-Sampaloc, Manila.
{ 12 comments… read them below or add one }
If you want to convince the reader sa dating ng tula mo dapat gumamit ka ng mga pili-piling salita para makuha mo ang loob ng mambabasa. Hindi ganun ka convincing ang kabuuan ng tula.
Siguro’y nga’y mas gaganda kung gagamit ng mga salitang nakapagpapaalab ng damdamin, Greg, upang bumangon ang tula… Mula kasi sa umpisa hanggang sa matapos ay pareho ang tunog… Kumbaga ay paugoy-ugoy lang, walang hagis pataas at bulusok…
Iyo pa rin ang tula, maaaring hindi pansinin.
Ay mali,
paki disregard ung “‘y” sa siguro’y, hehe, buyuy.
Greg,
I’m inclined to agree with both Jack and Rose. Parang may narinig na akong mas maigting na talumpati sa mga rally sa kalsada at, gaya ng sinabi nila, aagaw ito ng atens’yon kung may mga katagang bago at rebolusyonaryo, ika nga. Doesn’t mean that it cannot improve, as only you can do it. And very possible dahil, sabi ni Tata, tula nang tula.
(Rose, nangyari rin sa akin ang maging buyuy, no probyem.)
Ham
Thanks For This Because I can make may project in GMRC……..Thanks…..For this Tula.
ME TO IN FILIPINO.
thanks for this! I used it for my sulating pangwakas un filipino.
thnx!
thnks dito…
hi
kung sa langit mga anghel nagaaway
dito pa kaya sa lupa magkaunawaan
kung tayo’y di magkasundo dapat
bang magaway tayo sobra na yan
..pwde akong kumuha ng mga line pra sa essay ko,,,
thanks for this. this would be a great help for my essay contest<3.
You must log in to post a comment.