Ang Salapi

Bakit ba walang pantay dito sa mundo?
Pataasan ang kalagayan ng tao;
Ang salapi ay naghahari sa puso,
Ng mga gahaman sakim na totoo.
-
Kung ika'y mahirap,aba at alipin,
Ang hinaing mo ay hindi maririnig;
Kamatayan ay tiyak mong makakamit;
Doon sa lupa'y buhay kang ililibing.
-
Sa mundong ito na kayamanan ang hari,
Walang kapantayan ang lahat ay bingi;
Pinupugutan maging ang mabubuti,
Pagka't ang hustisya'y wala sa sarili.
-
Gan'to ba talaga ang buhay sa ngayon?
Lahat na ng tao'y kayamanan ang habol?
Pati ang prinsipyo'y binaon sa limot,
Masiguro lamang gahaman ay busog.
-
Makinig naman kayo aking katoto,
Isaalang-alang ang buhay ng tao;
Bakit hindi sa sarili ay ituro,
Na ang salapi'y nangangain ng buo.
Latest posts by Diane Medina

Share and enjoy...

If you enjoyed and liked this post, LIKE it on your Facebook. Consider also leaving a comment below to share your thoughts with others.
avatar About Diane Medina

"pangarap ko'y maging isang manunulat,
sa mundo ng panitikan ako'y mamumuhay;
tulang pinakamamahal aking isusulat,
kaligayahan ng puso habang nabubuhay."

.Lumaki at nagkamalay sa Lungsod Quezon. 18 taon ng nakatira sa mundo..Nagsimulang mangarap na maging manunulat ng tula noong nasa ikatlong taon sa hayskul.


Fatal error: Uncaught Exception: 12: REST API is deprecated for versions v2.1 and higher (12) thrown in /home/emanpoet/public_html/writersgroup/wp-content/plugins/seo-facebook-comments/facebook/base_facebook.php on line 1273