Mga Tanaga ng LUHA
SALUBONG AT PAALAM
Nang sa mundo’y ilabas
’sinalubong ay iyak;
Nang sa puntod ihatid,
panaghoy ang narinig!
MAY TINIG ANG LUHA
Ang luhang nagtitika
ay mula sa kalulwa,
Ang luhang nagagalak
mula sa pusong wagas.
IISA ANG KULAY NG LUHA
May itim man o puti
Dilaw at kayumanggi
kahit na anong lahi
may luhang isa’ng uri
Other posts by Ezzard R. Gilbang
Share this post with friends
Subscribe to RSS Feed
December 4th, 2008 at 1:14 pm
pero sige ako’y makikigrupo
Yahoo group kamo?
December 4th, 2008 at 1:12 pm
Hirap ako sa palipat-lipat
_Tama na sa akin ang emanila (at saka myspace)
Dito na lang ako’y maglalapat
_Dito mo ako makikilala
- - - - - - - - -
(alam ko yata yan, nandyan din yata si Tata, ayoko ng maraming sinasalihan, nagiging makatang pagod)
December 3rd, 2008 at 3:16 pm
Ang kumpletong e-address kasamang Rod ay:
http://groups.yahoo.com/group/kamakatahan
dalaw ka sa aming tahanan!
kuya Sam
December 3rd, 2008 at 2:49 pm
Paumanhin kung tanggihan
papuri mong inialay
pagkat tinig lang sa ilang
ang aba mong kaibigan;
at kita’y maanyayahan
dalawain mo na subukan
ang dampa na tahanan:
KAMAKATAHAN ang pangalan!
Yahoo Group ito kaibigang Rod
kuya Sam
December 3rd, 2008 at 1:09 pm
Sadyang ika’y napakagaling
_Wala na akong masasabi pa
Lahat sayo’y mahuhumaling
_Sa komento ko, ako’y suko na
December 2nd, 2008 at 2:14 pm
likhang isip lang igan
diwatang paralumang
mutya ng panulaang
may halik ng paggabay
sa mga taga-uswag
ng tula’t odang wagas,
kung ipinamamansag;
kapiling hanggang wakas!
kaya’t aking katoto
putungan ‘tang totoo
at tula ay ibando
isaboy ‘ta sa mundo!
kuya Sam
December 2nd, 2008 at 1:14 pm
Sobrang lakas mo na talaga
Mambabasa’y di na masawata
Sino ba yang sa yong alaala
May bilo’y na isang diwata?
- - - - -
(Si Maria Makiling?) taga LB ako.
December 1st, 2008 at 8:51 pm
Di naman kasamang Rod;
wika ko’y natalisod,
gaya mo ring nalugod
sa rikit ng taludtod!
Mutya kong tinutukoy;
ay diwatang may biloy
kung may ngiti’t nagtuloy
ang pagtulang dumaloy!
Iyo’y mutyang naisip
sa mundong panaginip
nag-uudyok na awit
paghumabi ng titik!
kuya Sam
December 1st, 2008 at 1:38 pm
Mabuti naman
Nag-eenjoy sa panulaan
Pangunahing kaibigan,
Ibig mo bang sabihin
minsan ika’y tumula
sa dalagang mahinhin?
Anong tulaan yan?
Para bang Balagtasan?
Talagang ika’y maaasahan
Basta’t tulaan ang pinag-usapan
Matatamis na salita’y kanyang maaasam
Basta’t ito’y sinulat, walang iba si Kuya Sam
November 30th, 2008 at 9:44 pm
ok naman kaibigan
lalo na’t panulaan
ng mutya’t paraluman
dumadayaw nang minsan!
ikaw, musta na?
November 30th, 2008 at 5:49 pm
Tumpak ito nga’y mga tanaga, kailangan ang hustong sukatan, musta na kaibigan?