Ngayong gabi,
Magpapakalunod tayo
Sa ilaw ng mga tala at buwan.

Kalahating milyong kometa
Ang mabibigyang buhay
Sa loob ng iyong katawan.
Hindi man nila maipupunla
Ang binhi ng kapalaran,
Hindi rin naman nasayang
Ang kanilang saglit
Na pagningning.
Dadaloy sila, mahal ko,
At alalahanin mo
Na bawat isa sa kanila
Ay butil ng aking pagkatao -
Sumusuyong maging isa
Sa init na sa’yo ko lamang
Nasisindihan.

Other posts by J. Marvin Enore

This entry was posted on Saturday, October 4th, 2008 at 4:04 pm by J. Marvin Enore and is filed under Pag-ibig at Pagmamahal. You can follow any responses to this entry through the RSS 2.0 feed. You can leave a response, or trackback from your own site.