Kaylaon kong hinanap ang inyong paglalaro.

Magmulang ang lawa ng Laguna’y lumabo

Bihira ko nang kayo’y makita at maituro

Sa mga dumarayo at sa lawa’y nakikisuno.

Ilang tag-amihan at ilang bugsong habagat

Ang sinalida ko sa di mabilang na paglayag

Doon sa bulangang dalampasigang latag

Na ang alon at hangi’y laging nagyayakap.

Kahapon, ang kalmanteng diwa’y tigib ng ligaya,

Dahil kumpulang muling kayo ay nagpakita;

Ngunit ang malikmata kong ipinagtataka’y

Di tulad ng dati ang inyong liksi at sigla.

Humayo pa kayo sa matining na tubiga’t

Sa kabangkilas ko: Ang laro’y iparamdam.

21 Agosto 2008

Sa tabi ng anod na bulang 

* paglalaro ng isda sa rabaw ng tubig

Other posts by Raul Funilas

This entry was posted on Thursday, August 21st, 2008 at 6:37 pm by Raul Funilas and is filed under Kapaligiran. You can follow any responses to this entry through the RSS 2.0 feed. You can leave a response, or trackback from your own site.