bakit ang pag-ibig hindi mo matantsa ?
sa panahon at oras ako’y nangangamba
dahil kung sakiling ako’y magmahal muli
pagod nang maghintay kung sakali

kadilima’y nagsimulang lamunin ang liwanag
puso’y nagtangkang lumayo
pag - ibig ♥ ba itong aking tinagpo
sinunod ko lahat ng iyong luho

ikaw , ang huling nagpaluha
sa mga matang nangingintab sa sakit
mga hinanakit dahil sayo’ng pagmamalabis
pagmamahal lamang ang tanging ninais

huminto ang mga tala sa pagkinang
ang buwan ay unting naglaho
nag - iisa kong hinarap
hanggang sa nagkulay abo ang alapaap

pagtangis , wala nang paraan
takot ang nangibabaw
wala ka upang ako’y patahanin
di alam ang nararapat gawin

kimi nang tayo’y magkita
alaala ng bangungot na iyong dinala
sa buhay ko’y pinangarap ka
ngunit sa sakit , ayoko nang umasa .

Other posts by salipawpaw

This entry was posted on Sunday, July 6th, 2008 at 1:53 am by salipawpaw and is filed under Uncategorized. You can follow any responses to this entry through the RSS 2.0 feed. You can leave a response, or trackback from your own site.