Share this post with friends

Adik sa Mensahe ng Outbox at Inbox

by Raul Funilas

Higit ang hininga kapag wala nang load,
Ang bulsa’t kalupi’y siyang dinudukot;
Laging nagpu-full charge at baka maudlot
Ang labis na haling sa mensahe’t pindot.
Ganado’t masipag kapag nakikita
At napapakinggan ang ringtone kayganda,
Ngiti ay mutawi kapag tumawag na—
Girl friends na sina Fe, Lorna’t Adelaida.
Subalit nawala ang outbox at inbox,
Elising umikot ang ulo paghanap;
Lahat nang makita’y tinatanong agad
Palahaw-tungayaw hagulgol pa’ng iyak.
O, kayong maraming na-adik sa celfon,
Nawa’y matutuhang higitin ay sint’ron.

Hulyo 4, 2008
Bgy. Yukos, Nagcarlan, Laguna

Other posts by Raul Funilas

 Share this post with friends

This entry was posted on Saturday, July 5th, 2008 at 8:16 am by Raul Funilas and is filed under Kapaligiran. You can follow any responses to this entry through the RSS 2.0 feed. You can leave a response, or trackback from your own site.

One Response to “Adik sa Mensahe ng Outbox at Inbox”

1. Ezzard R. Gilbang says:
   July 5th, 2008 at 5:27 pm

   Si Fely ginawang Peping na makisig
   si Lorna’y tinawag na Orlang ka-klasmeyt
   at si Adelaida’y Adelmong may anghit;
   sa celfon, h’wag lamang mahuli ni misis!

   At nang may text message si Neling ka-txtmate;
   habang naliligo ang sa txt na-adik.
   Binasa ng misis, naku napahindik,
   agad na sumigaw sa banyong napinid.

   At sino ba itong Neli sa txt messege?!
   Aba’t itong adik, wala ni ’sang saglit,
   diyata’t naghanda kapagka nagipit:
   “iyan ang kabayong, may swerte na tiket!”

   Misis ay nainis, agad bumunghalit:
   “At ang kabayo mo’y I LOVE YOU raw!! Bwisit!!

Leave a Reply

Help us Fight Spam!