Asulpar*
Habang naglalabra ng baul kong bangka’y
Aking tinatanaw ang lawak ng lawa,
Baka di umusad sa sagwang ginawa;
Dahil lumalawit ang tabil mong dila.
Habang umaakyat sa tarik ng bangi’y
Aking sinusuri ang tibay ng baging,
Baka kung ako na ang nakalambiti’y
Maputol na bigla sa talas ng angil.
Sakaling lumampas ang nais ko’t himok,
Ang hiling sa iyo’y himbing na matulog;
Dahil kung gising ka tiyak mauudlot
Aking paglalakbay sa lahat ng dunggot.
Pagbuka ng bibig piliing mahusay
Na ang wiwikai’y may koronang lantay.
*kontra
Other posts by Raul Funilas
Share this post with friends
