Inisang lagok ng inip na bibig, bakasakaling

malunod ang panis na laway sa lumamig na kape

na kanina pa sinusuyo, hinahalo

ng pilak na kutsarita - - na nahilo na rin

sa kaliwa’t kanang ikot ng pag-aalala.

Sinusumbatan ng titig ang dingding

Nililingkis, tinatanong ng kanang paa

ang kaliwang paa: darating pa ba siya?

Walang maitutugon

ang kaliwang paa

na nagsisimula ng humakbang. Palabas.

Minsan

maging ang kinakabog na mesa

at isinasalyang upuan

walang sagot na naibibigay

Tanong sa tanong din lang

ang natatagpuan

ang naiiwan

sa mga tagpuan.

Other posts by olivercarlos

This entry was posted on Tuesday, June 24th, 2008 at 4:22 pm by olivercarlos and is filed under Hinaing, Tulang Pinoy. You can follow any responses to this entry through the RSS 2.0 feed. You can leave a response, or trackback from your own site.