Kapatiran?
Sa marahas na daluyong ng mga pangyayari’y silay sumasabay,
Nag-aanyong kaibiga’t katuwang bagaman ay kaaway,
Armas nila’y simpatiya ng iyong pagkadalisay at kawalang malay,
Hahainan ka ng sanlaksang mapanlumong mga banghay:
“Sa mata ng lipunang mapanghusga’t mapag-imbulog,
Dangal at pagkatao’y sabay na masisira’t lulubog
Sa putikan ng dusa ikaw’y marurungisa’t malulunod
Awa’y tanging pa-asa mula sa sinumang maghuhulog.”
Salita’y matatalas napunyal na sa katauha’y tumatarak
Puso’y walang awang pinapasok upang tuluyang mawarak,
Anumang pagpupumiglas, hagulgol ma’y maging iyak,
Sa pagkagapi ng pagkamatuwid, mga palalo’y humahalakhak.
Bandang huli’y hihilingin nila’y iyong pagsapi’t pakikiisa
Sa paghahabi ng mga paniniwala’t pagsabak sa pakikibaka.
Ng pagtataguyod ng rehimeng maka-komunista!
Hintay, kaibigan, maaatim mo bang maging tulad nila?
Other posts by janrodgee
Share this post with friends
