Liling Lulumbangin
Liling Lulumbangin
“Waterliling nanggaling sa Lumban,
Tinatangay ng hanging amiha’t
Ipinadpad sa dalampasigan.”
Sa gawing silangan ng lawang Laguna’y
Kaydami ng liling kahali-halina’t
Sa tabing aplaya ay nagpaparadang
Sinlawak ng isang ektaryang asyenda.
Sa hihip ng hanging nagbuhat sa bundok,
Lalo’t ang amihan ay sumasalinok
At pinapalimping liling tumatampok-
Lulumbanging lili’y sayaw ang pag-anod.
Lulumbanging lili’y harding naglalayag
Sa lawang Lagunang malinaw, malawak,
Kanlungan ng ibon dahong malalapad;
Pagaspasang dalag ang bulbol na ugat.
Minsa’y nilalaro ng kuluting alo’t
Sa pusod ng lawa’y gumigimbol-gimbol,
Ang hanging habagat silbing tagataboy
At sa dalampasigan doon ibuburol.
Tutubing karayom ang lili’y nasaan
At hindi makita iwing kagandahan?
Hindi ko matanaw sa lawang iniwan
Ang dating masaya nilang pagsasayaw.
Pulong Alakdan sa laot ng Rayap
Pulo ng Talim
Lawa ng Laguna
Mayo 13, 2008
Other posts by Raul Funilas
Email this post to friends!
