Pag-ikot ng Mundong Kuwadrado
Magkasabay na umiikot ang mundo
At ang buhay ng mahihirap na tao.
Umiikot ang mga metro ng gripo,
Umiikot ang kuntador ng Meralco.
Walang kaibahan sa buhay mo o tayo.
Ini-iikot ng tao ang kanilang ulo
Sa tuwinang magugutom ito at mahihilo,
At pinagtitiyagaan na lamang ang mga butong
Pinulot sa basurahang kumpulang nagkakagulo
Ang langaw at sari-saring maruruming insektong
Gipalpal ang dala-dalang nakalalasong mikrobyo.
Kamatayan ng tao at ng mundo
Ang destinasiyon kung saan patutungo—
Mapasa-lupa man o mapasa-impiyerno.
Ang pag-ikot ng mundo at tao ay isang delubyong
Tatapos at papatay sa parehong
Adhikaing mabuhay at umikot sa siglong
Yumayakap sa mundo ng buhay na parang kuwadrado.
Other posts by Raul Funilas
Email this post to friends!
